ಅನುದಾನ ಪ್ರಮಾಣ 9 ಪಟ್ಟು ಹೆಚ್ಚಳ

ಬೆಂಗಳೂರು: ಕರ್ನಾಟಕ ರೈಲ್ವೇ ಮೂಲ ಸೌಕರ್ಯಗಳನ್ನು ಉನ್ನತೀಕರಿಸಲು ಪ್ರಧಾನಿ ನರೇಂದ್ರ ಮೋದಿ ಅವರು ಈ ಸಲದ ಬಜೆಟ್ ನಲ್ಲಿ 7,500 ಕೋಟಿ ರೂ. ಬಂಪರ್ ಅನುದಾನ ನೀಡಿದ್ದಾರೆ ಎಂದು ಸಂಸದ ಬಸವರಾಜ ಬೊಮ್ಮಾಯಿ ಹೇಳಿದ್ದಾರೆ.
ಈ ಕುರಿತಂತೆ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್‌ ಮಾಡಿರುವ ಅವರು 2014ರಲ್ಲಿ ರಾಜ್ಯಕ್ಕೆ ಕೇವಲ 835 ಕೋಟಿ ಮಾತ್ರ ಅನುದಾನ ಬರುತ್ತಿತ್ತು. ಈಗ ಇದರ ಪ್ರಮಾಣ 9 ಪಟ್ಟು ಹೆಚ್ಚಳವಾಗಿದೆ. ಅನುದಾನದಿಂದ ರಾಜ್ಯದಲ್ಲಿ 31 ವಿವಿಧ ರೈಲ್ವೇ ಯೋಜನೆಗಳ 3,866ಕಿ.ಮೀ ಉದ್ದದ ರೈಲ್ವೇ ಕಾಮಗಾರಿಗಳು ಆರಂಭಗೊಳ್ಳುವುದರಿಂದ ಪ್ರಯಾಣ ಸುಗಮವಾಗಲಿದೆ ಎಂದಿದ್ದಾರೆ.