ಅರ್ಜಿ ಹಾಕಲು ಲಿಂಕ್ ಬಿಡುಗಡೆ ಮಾಡಿ

ಆಕಾಂಕ್ಷಿಗಳು ಲಿಂಕ್ ಇಂದು ತೆರೆಯುತ್ತದೆ ನಾಳೆ ತೆರೆಯುತ್ತದೆಂದು ಕಾಯುತ್ತಿದ್ದಾರೆ, ಈ ತಾಂತ್ರಿಕ ದೋಷವನ್ನು ಸರಿಪಡಿಸಿ ಕೂಡಲೇ ಅರ್ಜಿ ಹಾಕಲು ಲಿಂಕ್ ಬಿಡುಗಡೆ ಮಾಡಿ

ಬೆಂಗಳೂರು: ಕೃಷಿ ಅಧಿಕಾರಿ ಹಾಗೂ ಸಹಾಯಕ ಕೃಷಿ ಅಧಿಕಾರಿ ಹುದ್ದೆಗಳಿಗೆ ಅರ್ಜಿ ಹಾಕಲು ಕಾಯುತ್ತಿರುವ ಪರೀಕ್ಷಾರ್ಥಿಗಳು ಆಕಾಂಕ್ಷಿಗಳು ಲಿಂಕ್ ಬಿಡುಗಡೆ ಮಾಡಿ ಎಂದು ವಿಜಯಪುರ ಬಿಜೆಪಿ ಶಾಸಕ ಬಸನಗೌಡ ಪಾಟೀಲ್​ ಯತ್ನಾಳ್​ ಹೇಳಿದ್ದಾರೆ.
ಈ ಕುರಿತಂತೆ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್‌ ಮಾಡಿದ್ದು, ಕೃಷಿ ಅಧಿಕಾರಿ ಹಾಗೂ ಸಹಾಯಕ ಕೃಷಿ ಅಧಿಕಾರಿ ಹುದ್ದೆಗಳಿಗೆ ರಾಜ್ಯ ಸರ್ಕಾರ 07.10.2024 ರಂದು ಅಧಿಸೂಚನೆ ಹೊರಡಿಸಿತು. ಆದರೆ 2% ರಷ್ಟು ಕ್ರೀಡಾ ಕೋಟ ಸೇರಿಸಿದ್ದರಿಂದ ಅರ್ಜಿಯ ಲಿಂಕ್ ಬಿಡುಗಡೆ ಆಗಿಲ್ಲ. ಅರ್ಜಿ ಹಾಕಲು ಕಾಯುತ್ತಿರುವ ಪರೀಕ್ಷಾರ್ಥಿಗಳು ಹಾಗೂ ಆಕಾಂಕ್ಷಿಗಳು ಚಾತಕ ಪಕ್ಷಿಗಳಂತೆ ಕಾಯುತ್ತಿದ್ದಾರೆ. ಕೃಷಿ ಇಲಾಖೆಯಲ್ಲಿ ಸೇರಬೇಕೆಂದು ಹಾತೊರೆಯುತ್ತಿರುವ ಆಕಾಂಕ್ಷಿಗಳು ಲಿಂಕ್ ಇಂದು ತೆರೆಯುತ್ತದೆ ನಾಳೆ ತೆರೆಯುತ್ತದೆಂದು ಕಾಯುತ್ತಿದ್ದಾರೆ, ಈ ತಾಂತ್ರಿಕ ದೋಷವನ್ನು ಸರಿಪಡಿಸಿ ಕೂಡಲೇ ಅರ್ಜಿ ಹಾಕಲು ಲಿಂಕ್ ಅನ್ನು ಆಯೋಗ ತೆರೆಯಬೇಕು. ನೇಮಕಾತಿ ಅಧಿಸೂಚನೆ ಕೇವಲ ಆಡಳಿತಾತ್ಮಕ ಕೆಲಸವಲ್ಲ, ಇದರಲ್ಲಿ ಸಾವಿರಾರು ಬಡ ಅಭ್ಯರ್ಥಿಗಳ/ಪರೀಕ್ಷಾರ್ಥಿಗಳ ಕನಸು ಅಡಗಿರುತ್ತದೆ. ಇವೆಲ್ಲವನ್ನೂ ಮನಗೊಂಡು ಕೂಡಲೇ ಲಿಂಕ್ ಅನ್ನು ತೆರೆದು ಅಭ್ಯರ್ಥಿಗಳು ಅರ್ಜಿ ಹಾಕುವಂತೆ ಸರ್ಕಾರ ವ್ಯವಸ್ಥೆ ಕಲ್ಪಿಸಲಿ ಎಂದಿದ್ದಾರೆ.