ಇಳಕಲ್ ಸೀರೆಯಲ್ಲಿ ಕಪ್ ನಮ್ದೇ..!

ಬಾಗಲಕೋಟೆ: ಕೈಮಗ್ಗದ ಸೀರೆಯಲ್ಲಿ ನಾನಾ ರೀತಿಯ ಕಲೆಯನ್ನು ಪ್ರದರ್ಶನ ಮಾಡಿದ ಇಲ್ಲಿನ ನೇಕಾರ ಮೇಘರಾಜ ಗುದ್ದಾಟಿ ಆರ್‌ಸಿಬಿ ತಂಡ ಪ್ಲೇಆಫ್‌ನಲ್ಲಿ ಸ್ಥಾನ ಪಡೆಯುತ್ತಿದ್ದ ಹಾಗೇಯೇ ಈ ಸಲ ಕಪ್ ನಮ್ದೇ ಎಂದು ನೇಯ್ದ ಸೀರೆಯನ್ನು ಮಗಳಿಗೆ ಉಡಿಸಿ ಸಂಭ್ರಮಪಟ್ಟಿದ್ದಾರೆ.
ಹೌದು, ಶನಿವಾರದಂದು ರಾತ್ರಿ ನಡೆದ ಚೆನೈ-ಬೆಂಗಳೂರು ಪಂದ್ಯದಲ್ಲಿ ಬೆಂಗಳೂರು ೨೭ ರನ್‌ಗಳಿಂದ ಪ್ಲೇ ಆಫ್ ಹಂತಕ್ಕೆ ಹೋದ ಕೂಡಲೇ ಈ ಸಂಭ್ರಮವನ್ನು ಸಾಮಾಜಿಕ ಜಾಲತಾಣದ ಮೂಲಕ ಹಂಚಿಕೊಂಡಿದ್ದಾರೆ. "ಆರ್‌ಸಿಬಿ.. ಈ ಸಲ ಕಪ್ ನಮ್ದೇ, ನಮ್ಮ ಬೆಂಗಳೂರು" ಎಂದು ಬರೆದ ಸೀರೆಯನ್ನು ಮಗಳಿಗೆ ಉಡಿಸಿ ಅದನ್ನು ಎಲ್ಲೆಡೆ ಹಂಚಿಕೊಂಡಿದ್ದಾರೆ.