ಕೇಜ್ರಿವಾಲ್​ಗೆ ಖಲಿಸ್ತಾನಿ ಸಂಘಟನೆಗಳಿಂದ 133 ಕೋಟಿ

ನವದೆಹಲಿ: ಅಮೆರಿಕ ಮೂಲದ ಖಲಿಸ್ತಾನ ಉಗ್ರ ಸಂಘಟನೆ 2014 ಹಾಗೂ 2022ರ ನಡುವಿನ ಅವಧಿಯಲ್ಲಿ ಎಎಪಿಗೆ 16 ಮಿಲಿಯನ್ ಡಾಲರ್ ಹಣ ನೀಡಿರೋದಾಗಿ ತಿಳಿಸಿದೆ.
ಈ ಕುರಿತಂತೆ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ವೈರಲ್‌ ಆಗಿವೆ ಖಲಿಸ್ತಾನ ಉಗ್ರ ಗುರ್ಪತ್ವಂತ್ ಸಿಂಗ್ ಪನ್ನೂನ್ ಈ ಆರೋಪ ಮಾಡಿದ್ದಾನೆ. ಇದರಿಂದ ಎಎಪಿಯ ಹಣಕಾಸಿನ ಸಮಗ್ರತೆ ಬಗ್ಗೆ ಗಂಭೀರ ಪ್ರಶ್ನೆಗಳು ಎದ್ದಿವೆ. ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಹಣಕಾಸು ನೆರವಿನ ಬದಲಿಯಾಗಿ ದೇವೇಂದರ್ ಸಿಂಗ್ ಬುಳ್ಳಾರ್‌ ಅವರನ್ನು ಬಿಡುಗಡೆ ಮಾಡುವುದಾಗಿ ಹೇಳಿದ್ದರು. ಬುಳ್ಳಾರ್‌ 1993ರ ದೆಹಲಿ ಬಾಂಬ್ ಸ್ಫೋಟದ ಅಪರಾಧಿಯಾಗಿದ್ದು, ಈ ಘಟನೆಯಲ್ಲಿ 9 ಮಂದಿ ಮೃತಪಟ್ಟು 31 ಮಂದಿ ಗಾಯಗೊಂಡಿದ್ದರು.