ಕೈ ಕಾರ್ಯಕರ್ತರ ಎದುರು ತೊಡೆ ತಟ್ಟಿದ ಬಿಜೆಪಿ ಅಭ್ಯರ್ಥಿ

ಬಳ್ಳಾರಿ: ಸಂಡೂರು ಉಪ‌ಚುನಾವಣಾ ಕದನದ ಫಲಿತಾಂಶ ಹೊರ ಬಿದ್ದ ಬಳಿಕ ಹೊರ ನಡೆಯುತ್ತಿರುವಾಗ ಕಾಂಗ್ರೆಸ್ ‌ಕಾರ್ಯಕರ್ತರ ಎದುರು ತೊಡೆ ತಟ್ಟೆದ ಘಟನೆ‌ ನಡೆಯಿತು.
ಉಪಚುನಾವಣೆಯ ಮತ ಎಣಿಕೆಯ ಎಲ್ಲ ಹಂತ ಪೂರ್ಣದ ಬಳಿಕ ಸೋಲಿನ ಫಲಿತಾಂಶ ‌ಒಪ್ಪಿ ಹೊರ ನಡೆಯುತ್ತಿದ್ದರು. ಈ ವೇಳೆ ಗೇಟ ಮುಂದೆ ನೆರೆದಿದ್ದ ಕಾಂಗ್ರೆಸ್ ‌ಕಾರ್ಯಕರ್ತರು ಕೇಕೆ ಹಾಕಿ ಸಂಭ್ರಮಿಸುತ್ತಿದ್ದರು. ಪರಾಜಿತ ಅಭ್ಯರ್ಥಿ ಬಂಗಾರು ಹನುಮಂತು ‌ಆಗಮಿಸುತ್ತಿದ್ದ ವೇಳೆ ಮತ್ತಷ್ಟು ಜೋರಾಗಿ ಕೇಕೆ ಹಾಕಿದರು. ಈ ವೇಳೆ ಏ ಇಲ್ಲಿ ಬರ್ರಿ ಇಲ್ಲಿ ಎಂದು‌ ಬಿಜೆಪಿ ಅಭ್ಯರ್ಥಿ ‌ಬಂಗಾರು ಹನುಮಂತು ‌ತೊಡೆ ತಟ್ಟಿ ಮುಂದೆ ಹೋದರು. ಈ ಘಟನೆ ತೀವ್ರ ‌ಚರ್ಚೆಗೆ ಗ್ರಾಸವಾಯಿತು.