ಕ್ಯಾನ್ಸರ್‌ನಿಂದ ಪಾರಾದ ಇಸ್ರೋ ಅಧ್ಯಕ್ಷರು

ನವದೆಹಲಿ: ಇಸ್ರೋ ಅಧ್ಯಕ್ಷ ಎಸ್.ಸೋಮನಾಥ್ ಅವರಿಗೆ ಹೊಟ್ಟೆಯಲ್ಲಿ ಕ್ಯಾನ್ಸರ್ ರೋಗಲಕ್ಷಣ ಕಂಡುಬಂದಿದ್ದರೂ ಚಿಕಿತ್ಸೆ ಫಲವಾಗಿ ಸಂಪೂರ್ಣವಾಗಿ ಗುಣಮುಖರಾಗಿದ್ದಾರೆ. ಕ್ಯಾನ್ಸರ್ ಗುಣವಾಗದ ರೋಗ ಎಂಬ ಭಯವನ್ನು ಅವರು ಮಲೆಯಾಳಿ ಮಾಧ್ಯಮ ಸಂಸ್ಥೆಗೆ ನೀಡಿದ ಸಂದರ್ಶನದಲ್ಲಿ ಹೋಗ ಲಾಡಿಸಿದ್ದಾರೆ. ಚಂದ್ರಯಾನ-೩ರ ವೇಳೆಯೇ ಕೆಲವೊಂದು ಆರೋಗ್ಯ ಸಮಸ್ಯೆಗಳಿದ್ದವು. ಆದರೆ ಆ ಬಗ್ಗೆ ಸ್ಪಷ್ಟ ತಿಳಿವಳಿಕೆ ಇರಲಿಲ್ಲ. ಆದಿತ್ಯ-ಎಲ್ ೧ ಉಡ್ಡಯನ ದಿನ ಸ್ಕ್ಯಾನ್ ಮಾಡಿಸಿದಾಗ ಹೊಟ್ಟೆಯಲ್ಲಿ ಗಡ್ಡೆ ಬೆಳೆದಿರುವುದು ಕಂಡುಬಂತು. ನಂತರ ಚೆನ್ನೈನಲ್ಲಿ ರೋಗ ದೃಢಪಡಿಸಲು ಸ್ಕ್ಯಾನ್ ಮಾಡಿಸಲಾಯಿತು. ಈ ಪರೀಕ್ಷೆಯಲ್ಲಿ ಅದೊಂದು ಆನುವಂಶಿಕ ಕಾಯಿಲೆ ಎಂಬುದು ದೃಢಪಟ್ಟಿತ್ತು. ಆ ಬಳಿಕ ಶಸ್ತ್ರಚಿಕಿತ್ಸೆ ಹಾಗೂ ಕಿಮೋಥೆರಪಿ ಮೂಲಕ ರೋಗವನ್ನು ಗುಣಪಡಿಸಲಾಯಿತು ಎಂದವರು ವಿವರಿಸಿದ್ದಾರೆ.