ಬೆಂಕಿ ಕೆನ್ನಾಲಿಗೆಗೆ ೯ ಅಂಗಡಿಗಳು ಭಸ್ಮ: ಅಪಾರ ಹಾನಿ

ಯಾದಗಿರಿ: ತಾಲೂಕಿನ ಸೈದಾಪುರ ಪಟ್ಟಣದಲ್ಲಿ ಇಂದು ಬೆಳಂಬೆಳಗ್ಗೆ ಬೆಂಕಿ ಕೆನ್ನಾಲಿಗೆಗೆ ೯ ಅಂಗಡಿಗಳು ಭಸ್ಮವಾಗಿದ್ದು ಅಪಾರ ಪ್ರಮಾಣದ ನಷ್ಟ ಉಂಟಾಗಿದೆ.
ಧಗಧಗಿಸುವ ಬೆಂಕಿ ಪಟ್ಟಣದ ಜನತೆಯನ್ನು ಬೆಚ್ಚಿ ಬೀಳಿಸಿತ್ತು. ಸುತ್ತಲಿನ ಜನರು ಅತಂಕಕ್ಕೆ ಒಳಗಾಗಿದ್ದು ಅಗ್ನಿ ಶಾಮಕ ದಳದವರು ಸ್ಥಳಕ್ಕೆ ತೆರಳಿದ ನಂತರ ಜನತೆ ಕೊಂಚ ನಿರಾಳರಾದಂತೆ ಕಂಡು ಬಂದರು.
ಜನರಲ್ ಸ್ಟೋರ್, ಬೇಕರಿ,ಟಿವಿ ರಿಪೇರ್ ಶಾಪ್ ಬ್ಯಾಟರಿ,ಮೊಬೈಲ್ ಹಾಗು ಗ್ಯಾರೇಜ್ ಗಳಿದ್ದವು ಎನ್ನಲಾಗಿದ್ದು ಎಲ್ಲವೂ ಸಂಪೂರ್ಣವಾಗಿ ಸುಟ್ಟು ಕರಕಲಾಗಿ ಲಕ್ಷಾಂತರ ರುಪಾಯಿ ಹಾನಿಯಾಗಿದೆ ಎಂದು ಅಂದಾಜಿಸಲಾಗಿದೆ.
ಘಟನೆಗೆ ನಿಖರವಾದ ಕಾರಣ ಗೊತ್ತಾಗಿಲ್ಲ.ಶಾರ್ಟ ಸರ್ಕುಟ್ ದಿಂದ ಅಗಿರಬಹುದೆಂದು ಶಂಕಿಸಲಾಗಿದೆ.ತನಿಖೆಯಿಂದ ಮಾತ್ರ ಸತ್ಯಾಂಶ ಗೊತ್ತಾಗಲಿದೆ. ಈಗ್ಗೆ ಹಲವು ವರ್ಷದ ಹಿಂದೆ ಪಟ್ಟಣದಲ್ಲಿ ಮನೆಗೆ ಬೆಂಕಿ ತಗುಲಿ ದಂಪತಿ ಸಜೀವ ದಹನವಾಗಿದ್ದ ಘಟನೆ ನಡೆದಿತ್ತು.ನಂತರದಲ್ಲೂ ಅಗ್ನಿ ಅವಘಡಗಳು ಪಟ್ಟಣದಲ್ಲಿ ಸಂಭವಿಸುತ್ತಿರುವುದು ಜನರಲ್ಲಿ ಆತಂಕಕ್ಕೆ ಒಳಗಾಗಿದ್ದಾರೆ.