ಮಥುರಾ: ಪೂಜೆಗೆ ಮುಸ್ಲಿಮರ ವಿರೋಧ

ಪ್ರಯಾಗ್‌ರಾಜ್: ಮಥುರಾದಲ್ಲಿನ ಶಾಹಿ ಈದ್ಗಾ ಆವರಣದಲ್ಲಿರುವ ಕೃಷ್ಣ ಕೂಪ(ಬಾವಿ)ದಲ್ಲಿ ಬಾಸೋಡ ಪೂಜೆ ಮಾಡುವ ಹಿಂದೂ ಭಕ್ತರ ಮನವಿಗೆ ಮುಸ್ಲಿಮರು ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಪ್ರತಿವರ್ಷ ಮಾತಾ ಶೀತಲ ಸಪ್ತಮಿ ಹಾಗೂ ಮಾತಾ ಶೀತಲ ಅಷ್ಟಮಿ ದಿನ ಈ ಬಾವಿಯಲ್ಲಿ ಬಾಸೋಡ ಪೂಜೆ ಮಾಡಲಾಗುತ್ತಿದೆ. ಹಾಲಿ ವರ್ಷದಲ್ಲಿ ಏಪ್ರಿಲ್ ೧ ಮತ್ತು ೨ರಂದು ಪೂಜೆ ನಡೆಸಲು ಅವಕಾಶ ನೀಡಬೇಕೆಂದು ಹಿಂದೂ ಭಕ್ತರ ಪರ ಅಶುತೋಷ್ ಪಾಂಡೆ ಅಲಹಾಬಾದ್ ಹೈಕೋರ್ಟ್‌ಗೆ ಬುಧವಾರ ಮನವಿ ಸಲ್ಲಿಸಿದ್ದಾರೆ. ಶಾಹಿ ಈದ್ಗಾ ಆವರಣದಲ್ಲಿ ಪೂಜೆ ಮಾಡುವುದಕ್ಕೆ ಮುಸ್ಲಿಮ್ ಪರ ವಕೀಲರು ವಿರೋಧ ವ್ಯಕ್ತಪಡಿಸಿದರು.