ಮಹಿಳೆಯರ ಭದ್ರತೆಗೆ ಚನ್ನಮ್ಮ ಪಡೆ ಕಾರ್ಯಪ್ರವೃತ್ತ

ಹುಬ್ಬಳ್ಳಿ: ಹುಬ್ಬಳ್ಳಿ-ಧಾರವಾಡ ನಗರ ವ್ಯಾಪ್ತಿಯಲ್ಲಿ ಮಹಿಳೆಯರ ಭದ್ರತೆ ಮತ್ತು ಸುರಕ್ಷತೆಗಾಗಿ ಮಹಿಳಾ ಪೊಲೀಸ್ ಅಧಿಕಾರಿಗಳು ಮತ್ತು ಸಿಬ್ಬಂದಿಗಳನ್ನು ಒಳಗೊಂಡ ಚನ್ನಮ್ಮ ಪಡೆ ಕಾರ್ಯಪ್ರವೃತ್ತವಾಗಿದೆ ಎಂದು ಹು-ಧಾ ಮಹಾನಗರ ಪೊಲೀಸ್ ಆಯುಕ್ತರಾದ ರೇಣುಕಾ ಸುಕುಮಾರ್ ತಿಳಿಸಿದ್ದಾರೆ.
ಈ ಕುರಿತು ಪ್ರಕಟಣೆ ನೀಡಿರುವ ಅವರು, ಚನ್ನಮ್ಮ ಪಡೆಯು ಅತ್ಯಂತ ಚುರುಕಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದು ನಗರದ ಪ್ರಮುಖ ಸಾರ್ವಜನಿಕ ಸ್ಥಳಗಳಲ್ಲಿ, ಶಾಲಾ-ಕಾಲೇಜುಗಳ ಹತ್ತಿರ, ಪೆಟ್ರೋಲಿಂಗ್ ಮಾಡುತ್ತಾ ನಿಗಾವಹಿಸುತ್ತಿದೆ. ಯುವತಿಯರನ್ನು ಚುಡಾಯಿಸುವವರನ್ನು, ಪುಂಡಪೋಕರಿಗಳನ್ನ ಹಾಗೂ ರೋಡ್ ರೋಮಿಯೋಗಳನ್ನು ಸದೆಬಡೆಯಲಿದೆ. ಅದಲ್ಲದೇ ಜನರಲ್ಲಿ ಸತತವಾಗಿ ಜಾಗೃತಿಯನ್ನು ಮೂಡಿಸಲಾಗುತ್ತಿದೆ ಎಂದು ಹೇಳಿದ್ದಾರೆ.