ವಚನಗಳ ಅಸ್ಮಿತೆಗೆ ಧಕ್ಕೆ ತಂದರೆ ಸಹಿಸಲ್ಲ

ವಿಜಯಪುರ: ಸಂಘ ಪರಿವಾರದ ಬಿ.ಎಲ್. ಸಂತೋಷ ವಚನಗಳ ವಿಷಯದಲ್ಲಿ ಹಸ್ತಕ್ಷೇಪ ಮಾಡುವುದನ್ನು ಬಿಡಬೇಕು ಎಂದು ಸಚಿವ ಡಾ.ಎಂ.ಬಿ. ಪಾಟೀಲ ಹೇಳಿದರು.
ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ವಚನಗಳು ನಮ್ಮ ಅಸ್ಮಿತೆ. ಆದರೆ, ಸಂಘ-ಪರಿವಾರದವರು 'ವಚನ ದರ್ಶನ' ಪುಸ್ತಕದ ಮೂಲಕ ನಮ್ಮ ವಚನಗಳನ್ನು ತಿದ್ದಲು ಹೊರಟಿದ್ದಾರೆ. ಇದು ನಮ್ಮ ಅಸ್ಮಿತೆ ಜೊತೆ ಆಟವಾಡಿದಂತೆ, ಈ ಆಟ ಆಡುವುದು ಬೇಡ ಎಂದರು.
ನಿಮ್ಮ ವೇದಗಳ ಅಸ್ಮಿತೆ ಬಗ್ಗೆ ನಮಗೆ ತಕರಾರಿಲ್ಲ. ನಮ್ಮ ವಚನಗಳ ಅಸ್ಮಿತೆಗೆ ಧಕ್ಕೆ ತಂದರೆ ಸಹಿಸಲ್ಲ ಎಂದು ಎಂ.ಬಿ.ಪಾಟೀಲ್ ಎಚ್ಚರಿಕೆ ನೀಡಿದರು.