ವಲಯಮಟ್ಟದ ಖೋ ಖೋ ಕ್ರೀಡಾಕೂಟ: ಫೈನಲ್ ತಲುಪಿದ ಕರ್ನಾಟಕ ವಿದ್ಯಾರ್ಥಿಗಳು

ಬಾಗಲಕೋಟೆ(ಕುಳಗೇರಿ ಕ್ರಾಸ್): ಚಿರ್ಲಕೊಪ್ಪ ಜವಾಹರ್ ನವೋದಯ ವಿದ್ಯಾಲಯದಲ್ಲಿ ನಡೆದ 32ನೇ ಹೈದರಾಬಾದ್ ವಲಯಮಟ್ಟ ಖೋ ಖೋ ಕ್ರೀಡಾಕೂಟದಲ್ಲಿ ಕರ್ನಾಟಕದ ವಿದ್ಯಾರ್ಥಿಗಳು ಫೈನಲ್ ತಲುಪಿದ್ದಾರೆ.
ಒಂಭತ್ತು ಕ್ಲಸ್ಟರ್ ಮಟ್ಟದ ನಡುವೆ ನಡೆದ ವಲಯಮಟ್ಟದ ಖೋ ಖೋ ಕ್ರೀಡಾಕೂಟದಲ್ಲಿ ಅಂಡರ್ 14 ಹುಡುಗರಲ್ಲಿ ಕರ್ನಾಟಕದ ವಿಜಯಪುರ ಮತ್ತು ತೆಲಂಗಾನದ ನೆಲೆಗೊಂಡ, ಅಂಡರ್ 17 ಹುಡುಗರಲ್ಲಿ ಕರ್ನಾಟಕದ ವಿಜಯಪುರ ಮತ್ತು ಆಂಧ್ರದ ಕಡಪಾ, ಅಂಡರ್ 19 ಹುಡುಗರಲ್ಲಿ ಕರ್ನಾಟಕದ ವಿಜಯಪುರ ಮತ್ತು ಮಂಡ್ಯ ಫೈನಲ್‌ಗೆ ಹೋಗಿದ್ದು. ಅಂಡರ್ 14 ಹುಡುಗಿಯರಲ್ಲಿ ಆಂಧ್ರದ ಕಡಪಾ ಮತ್ತು ಕರ್ನಾಟಕದ ವಿಜಯಪುರ, ಅಂಡರ್ 17 ಹುಡುಗಿಯರಲ್ಲಿ ಕರ್ನಾಟಕದ ವಿಜಯಪುರ ಮತ್ತು ಮಂಡ್ಯ, ಅಂಡರ್ 19 ಹುಡುಗಿಯರಲ್ಲಿ ಕರ್ನಾಟಕದ ಮಂಡ್ಯ ಮತ್ತು ತೆಲಂಗಾನದ ನೆಲೆಗೊಂಡ ವಿದ್ಯಾರ್ಥಿಗಳು ಫೈನಲ್ ತಲುಪಿದ್ದಾರೆ.
ಹೈದರಾಬಾದ್ ವಲಯದಲ್ಲಿ ಕರ್ನಾಟಕ, ಆಂಧ್ರ, ಕೇರಳ, ತೆಲಂಗಾಣ ನಡುವೆ ನಡೆದ ಖೋ ಖೋ ಕ್ರೀಡಾಕೂಟದಲ್ಲಿ 532 ವಿದ್ಯಾರ್ಥಿಗಳು ಭಾಗವಹಿಸಿದ್ದಾರೆ. ಆಗಸ್ಟ್ 14ರಂದು ಅಂತಿಮ ನಿರ್ಣಯದ ಫೈನಲ್ ಪಂದ್ಯ ನಡೆಯಲಿದೆ ಎಂದು ಧೈಹಿಕ ಶಿಕ್ಷಕ ಎಂ.ಬಿ. ಮಠಪತಿ ತಿಳಿಸಿದರು.