ವಿಶ್ವಕಪ್‌: ಭಾರತಕ್ಕೆ ಸೋಲು
09:38 PM Nov 19, 2023 IST | Samyukta Karnataka
ಅಹಮದಾಬಾದ: ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆದ ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ವಿಶ್ವಕಪ್‌ ಫೈನಲ್‌ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಗೆಲುವು ಸಾಧಿಸುವುದರೊಂದಿಗೆ ೬ನೇ ಬಾರಿ ವಿಶ್ವಕಪ್‌ ಗೆದ್ದು ದಾಖಲೆ ಮಾಡಿದೆ.
ಭಾರತ ನೀಡಿದ್ದ ಕೇವಲ 241 ರನ್‌ಗಳ ಗುರಿ ಬೆನ್ನಟ್ಟಿದ ಆಸ್ಟ್ರೇಲಿಯಾ ಕೇವಲ 43 ಓವರ್‌ಗಳಲ್ಲಿ 4 ವಿಕೆಟ್‌ಗಳನ್ನು ಕಳೆದುಕೊಂಡು ಗೆಲುವಿನ ಗುರಿ ತಲುಪಿತು. ಟ್ರಾವಿಸ್‌ ಹೆಡ್‌ 137 ರನ್‌ ಮತ್ತು ಮಾರ್ನಸ್ ಲ್ಯಾಬುಸ್ಚಾಗ್ನೆ ಅಜೇಯ 58 ರನ್‌ಗಳಿಸಿದರು.
ಇದಕ್ಕೂ ಮೊದಲು ಬ್ಯಾಟ್‌ ಮಾಡಿದ ಭಾರತ 50 ಓವರ್‌ಗಳಲ್ಲಿ 240 ರನ್‌ಗಳಿಗೆ ತನ್ನೆಲ್ಲ ವಿಕೆಟ್‌ ಕಳೆದುಕೊಂಡಿತು. ಭಾರತದ ಪರ ಕೆ.ಎಲ್‌. ರಾಹುಲ್‌ 66, ವಿರಾಟ್‌ ಕೊಹ್ಲಿ 54, ರೋಹಿತ್‌ ಶರ್ಮಾ 47 ರನ್‌ ಗಳಿಸಿದರು.
