ಸುಲಭವಾಗಿ ಮಾಡಿ ಸಬ್ಬಕ್ಕಿ ಮೊಸರನ್ನ

ಬೇಕಾಗುವ ಸಾಮಗ್ರಿಗಳು: ೧ ಲೋಟ ಸಬ್ಬಕ್ಕಿ, ೧ ೧/೨ ಲೋಟ ಮೊಸರು, ೧ ೧/೨ ಲೋಟ ಹಾಲು, ೧/೨ ಲೋಟ ಸಣ್ಣಗೆ ಹೋಳು ಮಾಡಿದ ಕಾಯಿ ಚೂರು, ೧೦- ೧೨ ಹಸಿಮೆಣಸು, ಕೊತ್ತಂಬರಿ ಸೊಪ್ಪು, ಒಗ್ಗರಣೆಗೆ ಸಾಸುವೆ, ಕಡಲೆಬೇಳೆ, ಉದ್ದಿನಬೇಳೆ .
ಮಾಡುವ ವಿಧಾನ: ಸ್ವಲ್ಪ ತುಪ್ಪದಲ್ಲಿ ಸಬ್ಬಕ್ಕಿ ಕರಿದು ತಣ್ಣಗಾಗಿಸಿ. ಮೊಸರನ್ನು ಕಡೆದು ಅದರಲ್ಲಿ ಸುಮಾರು ೧ ೧/೨ ಗಂಟೆ ನೆನೆಸಿಡಿ. ನೆನೆದ ಸಬ್ಬಕ್ಕಿಗೆ ಹಾಲು ಸೇರಿಸಿ. ಕಾಯಿಚೂರು ಹಸಿಮೆಣಸು, ಉಪ್ಪು ಬೆರೆಸಿ. ಈಗ ಒಗ್ಗರಣೆ ತಯಾರಿಸಿ ಹಾಕಿರಿ. ರುಚಿಗೆ ಬೇಕೆನಿಸಿದರೆ ಒಂದಷ್ಟು ಒಣದ್ರಾಕ್ಷಿ ಬೆರೆಸಿ ಚೆನ್ನಾಗಿ ಕಲಸಿ. ಉಪ್ಪಿನಕಾಯಿ ರಸದೊಂದಿಗೆ ಸವಿಯಿರಿ.

ಕೆ.ಲೀಲಾ ಶ್ರೀನಿವಾಸ್, ಹರಪನಹಳ್ಳಿ