ಹಿರಿಯ ಬಸವ ತತ್ವ ಪಾಲಕ ಸಿದ್ರಾಮಣ್ಣ ನಿಧನ

ಬಸವ ತತ್ವಗಳ ಪ್ರಚಾರಕರಾದ 103 ವಸಂತಗಳನ್ನು ಕಂಡಿದ್ದ ಹಿರಿಯರಾದ ವಿ. ಸಿದ್ರಾಮಣ್ಣ ಲಿಂಗೈಕ್ಯ

ದಾವಣಗೆರೆ : ಬಸವ ತತ್ವದ ಪಾಲಕ ಶರಣ ವಿ ಸಿದ್ದರಾಮಣ್ಣ ಅವರು ದಾವಣಗೆರೆಯಲ್ಲಿ ನಿಧನರಾಗಿದ್ದಾರೆ.

ಅವರಿಗೆ 104 ವರ್ಷ ವಯಸ್ಸಾಗಿತ್ತು. ವಿಜಯನಗರ ಜಿಲ್ಲೆಯ ಹರಪ್ಪನಹಳ್ಳಿ ತಾಲೂಕಿನ ಮತ್ತಿಹಳ್ಳಿಯಲ್ಲಿ 1920ರಲ್ಲಿ ಜನಿಸಿದ ಸಿದ್ದರಾಮಣ್ಣ ವಚನ ಸಾಹಿತ್ಯದ ಬಗ್ಗೆ ಜ್ಞಾನ ಪ್ರಸಾರ ಮಾಡುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ವಚನಗಳನ್ನು ಸ್ಮೃತಿಯಿಂದ ಪಠಿಸುವ ಸಾಮರ್ಥ್ಯ ಮತ್ತು ಲಿಂಗಾಯತ ಮತ್ತು ಬಸವ ತತ್ತ್ವದ ಬೋಧನೆಗಳನ್ನು ಮೌಖಿಕವಾಗಿ ಹಂಚಿಕೊಳ್ಳುವ ಶತಮಾನಗಳ ಹಳೆಯ ಸಂಪ್ರದಾಯವನ್ನು ಉಳಿಸಿಕೊಂಡು ಸಿದ್ದರಾಮಣ್ಣ ಅವರು ಪ್ರಸಿದ್ಧರಾಗಿದ್ದರು. ಈ ಸಂಪ್ರದಾಯವು ಕರ್ನಾಟಕ, ಆಂಧ್ರಪ್ರದೇಶ, ತಮಿಳುನಾಡು, ಕೇರಳ ಮತ್ತು ಮಹಾರಾಷ್ಟ್ರದಾದ್ಯಂತ ಹರಡಿರುವ ಲಿಂಗಾಯತ ಚಳವಳಿಯ ಮೂಲಾಧಾರವಾಗಿದೆ.