ಮಾಮು ಮಕ್ಕಳ ಕಟಿಂಗ್ ಕಾಳಗ

ಮಾಮುನ ಮಗ ಮತ್ತು ಇನ್ನೊಬ್ಬ ಮಾಮುನ ಮಗನ ಕಟಿಂಗ್ ಜಗಳ ಎಲ್ಲೆಲ್ಲಿಗೋ ಹೋಗುತ್ತಿದೆ. ಕಟಿಂಗ್ ಕಟಿಂಗ್ ಮಾಡಿಸಿಕೋ ಅಂದರೆ ನೀನೇ ಮಾಡು ಬಾ ಅಂತಾರಂತೆ… ಅವರೇ ಕಟಿಂಗ್ ಮಾಡಿಕೊಂಡು ನಮ್ಮ ಹೊಟ್ಟೆಯ ಮೇಲೆ ಹೊಡೆಯುವ ಹುನ್ನಾರ ನಡೆಸಿದ್ದಾರೆ ಎಂದು ಕಟಿಂಗ್‌ರಾಮುಡು ಭಯಂಕರ ಸಿಟ್ಟಾಗಿದ್ದಾರೆ. ಅವರವರೇ ಕಟಿಂಗ್ ಮಾಡಿಸಿಕೊಳ್ಳಲು ಮುಂದಾದರೆ ನಾವೇನು ಮಾಡಬೇಕು.. ಅಷ್ಟೂ……. ಇಲ್ಲವೇ ಇವರಿಗೆ? ನಾವು ಅಂಗಡಿಯನ್ನು ಬಾಡಿಗೆ ತೆಗೆದುಕೊಂಡು ಅಂಗಡಿ ತುಂಬಾ ಕನ್ನಡಿ ಹಾಕಿ..ಪಾಂಡ್ಸ್ ಪೌಡರ್, ಸ್ನೋ, ವಿಧವಿಧ ಬಾಚಣಿಕೆ ಎಲ್ಲವನ್ನೂ ಇಟ್ಟು ಕಟಿಂಗ್‌ಗೆ ಬನ್ರೋ ಎಂದರೆ ಜನರು ಬರುವುದಕ್ಕೆ ಹಿಂದೆ ಮುಂದೆ ನೋಡುತ್ತಾರೆ ಆದರೆ ಈ ಮಾಮು ಮಕ್ಕಳು ಮಾತ್ರ ನಾ ಕಟಿಂಗ್ ಮಾಡು..ನೀ ಕಟಿಂಗ್ ಮಾಡು ಎಂದು ಮಾತಾಡುತ್ತಾರೆ ಒಂದು ವೇಳೆ ಅವರವರೇ ಕಟಿಂಗ್ ಮಾಡಲು ಮುಂದಾದರೆ ನಾನಂತೂ ಸುಮ್ಮನಿರುವುದಿಲ್ಲ, ಅವರ ಮನೆಮುಂದೆ ಕಟಿಂಗ್ ಸಾಮಗ್ರಿಗಳನ್ನು ಇಟ್ಟುಕೊಂಡು ಉಪವಾಸ ಕೂಡುತ್ತೇನೆ. ಈಗಿನಿಂದಲೇ ನಾವು ಒಗ್ಗಟ್ಟಾಗಿ ಇದನ್ನು ವಿರೋಧಿಸಬೇಕು ಇಲ್ಲದಿದ್ದರೆ ನಮ್ಮ ಹೊಟ್ಟೆಗೆ ತಣ್ಣೀರು ಪಟ್ಟಿ ಗ್ಯಾರಂಟಿ ಎಂದು ಅಂದುಕೊಂಡ. ಕೂಡಲೇ ತನ್ನ ಗೆಳೆಯ ಬಾರಿಡೊಗ್ಗಿ ಭಾಷನಿಗೆ ಅರ್ಜಂಟ್ ಬಾ ಎಂದು ವಾಟ್ಸಪ್ ಕಳುಹಿಸಿದ. ಅದನ್ನು ನೋಡಿ ಆತ ತಡಬಡಿಸಿ ಓಡಿ ಬಂದು ಏನು ಅಂತ ಕೇಳಿದ. ನೋಡು ಮಾಮುನ ಮಕ್ಕಳು ಇಂಗಿಂಗೆ…ನೀವೇ ಕಟಿಂಗ್ ಮಾಡಿ ಅನ್ನುತ್ತಿದ್ದಾರೆ…ಅವರವರೇ ಮಾಡಿಕೊಂಡರೆ ನಮ್ಮ ಗತಿ ಏನು? ನಾನು ಸುಮ್ಮನೆ ಕೂಡುವುದಿಲ್ಲ ನೀನು ನನ್ನ ಜತೆ ಇರಬೇಕು ಅಂದಾಗ…ಬಾರಿಡೊಗ್ಗಿ ನನಗೇನು ಸಂಬಂಧವಿಲ್ಲಪ್ಪ ಅಂದ. ಯಾಕೆ ಅಂತ ಕೇಳಿದರೆ ನನಗೆ ೨೦ನೇ ವಯಸ್ಸಿಗೆ ತಲೆಯಲ್ಲಿನ ಎಲ್ಲ ಕೂದಲೂ ಉದುರಿಹೋಗಿವೆ. ಈಗ ಒಂದೂ ಕೂದಲು ಇಲ್ಲ. ಅಂದ ಮೇಲೆ ನಾನ್ಯಾಕೆ ತಲೆಕೆಡೆಸಿಕೊಳ್ಳಲಿ? ಎಂದು ಹೇಳಿದ. ಇದು ಸರಿಹೋಗುವ ಮಾತಲ್ಲ…ನಾನು ಸುಮ್ಮನೇ ಕೂಡುವುದಿಲ್ಲ. ಕೂಡಲೇ ಸೋದಿ ಮಾಮಾನಿಗೆ ಕಾಲ್ ಮಾಡುತ್ತೇನೆ….ಎಂದು ಮಾಮಾನಿಗೆ ಕರೆ ಮಾಡಿ…ಹಲೋ ಮಾಮೋರೆ..ಮಾಮೋರೆ…ನಾನು ಕಟಿಂಗ್ ರಾಮುಡು ಅಂದಾಗ…ಆ ಕಡೆಯಿಂದ ನಹೀ…ನಹೀ…ಕಟಿಂಗ್ ಹುವಾ ಮೇರಾ….ರಕ್ತಾಹೂಂ…ಎಂದು ಕರೆ ಕಟ್ ಮಾಡಿದರು.