ಮಿರಜ್-ಕ್ಯಾಸಲ್ ರಾಕ್ ಸಂಚಾರ ಭಾಗಶಃ ರದ್ದು

ಹುಬ್ಬಳ್ಳಿ: ಮಿರಜ್-ಕ್ಯಾಸಲ್ ರಾಕ್ ಡೈಲಿ(ರೈಲು ಸಂಖ್ಯೆ -೧೭೩೩೩) ಕಾಯ್ದಿರಿಸದ (ನಾನ್ ರಿಸರ್ವಡ್) ಎಕ್ಸಪ್ರೆಸ್ ರೈಲು ಲೋಂಡಾ ಮತ್ತು ಕ್ಯಾಸಲ್ ರಾಕ್ ನಿಲ್ದಾಣಗಳ ನಡುವೆ ನವೆಂಬರ್ ೧ರಿಂದ ೩೦ರವರೆಗೆ ಭಾಗಶಃ ರದ್ದುಗೊಳಿಸಲಾಗಿದೆ ಎಂದು ನೈಋತ್ಯ ರೈಲ್ವೆ ತಿಳಿಸಿದೆ.
ಈ ಮಿರಜ್-ಕ್ಯಾಸಲ್ ರಾಕ್ ರೈಲು ನಿಲುಗಡೆ ಲೋಂಡಾ ನಿಲ್ದಾಣದಲ್ಲಿ ಕೊನೆಗೊಳ್ಳುತ್ತದೆ. ಹಾಗೆಯೇ ಆ ಕಡೆಯಿಂದ ಅಂದರೆ ಕ್ಯಾಸಲ್ ರಾಕ್-ಮಿರಜ್ ಡೈಲಿ (ರೈಲು ಸಂಖ್ಯೆ ೧೭೩೩೪) ಎಕ್ಸಪ್ರೆಸ್ ರೈಲು ನವೆಂಬರ್ ೧ ರಿಂದ ೩೦ರವರೆಗೆ ಕ್ಯಾಸಲ್ ರಾಕ್ ಬದಲಿಗೆ ಲೋಂಡಾ ನಿಲ್ದಾಣದಿಂದ ಹೊರಡಲಿದೆ ಎಂದು ನೈಋತ್ಯ ರೈಲ್ವೆ ವಲಯ ಪ್ರಕಟಣೆ ತಿಳಿಸಿದೆ.