ರಾಮನಗರ ಜಿಲ್ಲೆಯ ಅಂತಿಮ ಮತದಾರರ ಪಟ್ಟಿ ಬಿಡುಗಡೆ

ರಾಮನಗರ: ಭಾರತ ಚುನಾವಣಾ ಆಯೋಗವು ರಾಮನಗರ ಜಿಲ್ಲೆಯ ಅಂತಿಮ ಮತದಾರರ ಪಟ್ಟಿಯನ್ನು 2025ರ ಜ. 6ರಂದು ಬಿಡುಗಡೆ ಮಾಡಿದೆ. ರಾಮನಗರ ಜಿಲ್ಲೆಯಲ್ಲಿರುವ ನಾಲ್ಕು ವಿಧಾನಸಭಾ ಕ್ಷೇತ್ರಗಳಾದ 182-ಮಾಗಡಿ, 183-ರಾಮನಗರ, 184-ಕನಕಪುರ ಹಾಗೂ 185-ಚನ್ನಪಟ್ಟಣ  ವಿಧಾನಸಭಾ ಕ್ಷೇತ್ರದಲ್ಲಿ ಒಟ್ಟಾರೆ 4,53,403 ಪುರುಷ ಮತದಾರರು, 4,74,445 ಮಹಿಳಾ ಮತದಾರರು, 54 ತೃತೀಯ ಲಿಂಗಿ ಮತದಾರರು ಸೇರಿದಂತೆ ಒಟ್ಟಾರೆ 9,27,902 ಮತದಾರರಿದ್ದಾರೆ.

ವಿಧಾನಸಭಾ ಕ್ಷೇತ್ರವಾರು ಮತದಾರರು: ಅಂತಿಮ ಮತದಾರರ ಪಟ್ಟಿಯಲ್ಲಿ 182-ಮಾಗಡಿ ವಿಧಾನಸಭಾ ಕ್ಷೇತ್ರದಲ್ಲಿ 1,17,910 ಪುರುಷ ಮತದಾರರು, 1,20,655 ಮಹಿಳಾ ಮತದಾರರು, 19 ತೃತೀಯ ಲಿಂಗಿ ಮತದಾರರಿದ್ದು, ಒಟ್ಟಾರೆ 2,38,584 ಮತದಾರರಿದ್ದಾರೆ, 183-ರಾಮನಗರ ವಿಧಾನಸಭಾ ಕ್ಷೇತ್ರದಲ್ಲಿ 1,08,793 ಪುರುಷ ಮತದಾರರು, 1,13,626 ಮಹಿಳಾ ಮತದಾರರು, 18 ತೃತೀಯ ಲಿಂಗಿ ಮತದಾರರಿದ್ದು, ಒಟ್ಟಾರೆ 2,22,437 ವ್ಮತದಾರರು, 184-ಕನಕಪುರ ವಿಧಾನಸಭಾ ಕ್ಷೇತ್ರದಲ್ಲಿ 1,14,371 ಪುರುಷ ಮತದಾರರು, 1,19,260 ಮಹಿಳಾ ಮತದಾರರು ಹಾಗೂ 10 ತೃತೀಯ ಲಿಂಗಿ ಮತದಾರರು ಸೇರಿದಂತೆ ಒಟ್ಟು 2,33,641 ಮತದಾರರಿದ್ದಾರೆ ಹಾಗೂ 185-ಚನ್ನಪಟ್ಟಣ ವಿಧಾನಸಭಾ ಕ್ಷೇತ್ರದಲ್ಲಿ 1,12,329 ಪುರುಷ ಮತದಾರರು, 1,20,904 ಮಹಿಳಾ ಮತದಾರರು ಹಾಗೂ 7 ತೃತೀಯ ಲಿಂಗಿ ಮತದಾರರು ಸೇರಿದಂತೆ ಒಟ್ಟು 2,33,240 ಮತದಾರರಿದ್ದಾರೆ.

ಯುವ ಮತದಾರರು: 182-ಮಾಗಡಿ ವಿಧಾನಸಭಾ ಕ್ಷೇತ್ರದಲ್ಲಿ 1,756 ಪುರುಷ ಮತದಾರರು ಹಾಗೂ 1,473 ಮಹಿಳಾ ಮತದಾರರು ಸೇರಿ ಒಟ್ಟಾರೆ 3,229 ಜನ ಯುವ ಮತದಾರರಿದ್ದಾರೆ.

183-ರಾಮನಗರ ವಿಧಾನಸಭಾ ಕ್ಷೇತ್ರದಲ್ಲಿ 1,701 ಪುರುಷ ಮತದಾರರು ಹಾಗೂ 1,542 ಮಹಿಳಾ ಮತದಾರರು ಸೇರಿ ಒಟ್ಟಾರೆ 3,243 ಜನ ಯುವ ಮತದಾರರಿದ್ದಾರೆ.

184-ಕನಕಪುರ ವಿಧಾನಸಭಾ ಕ್ಷೇತ್ರದಲ್ಲಿ 1,746 ಪುರುಷ ಮತದಾರರು ಹಾಗೂ 1,528 ಮಹಿಳಾ ಮತದಾರರು ಸೇರಿ ಒಟ್ಟಾರೆ 3,274 ಜನ ಯುವ ಮತದಾರರಿದ್ದಾರೆ.

185-ಚನ್ನಪಟ್ಟಣ ವಿಧಾನಸಭಾ ಕ್ಷೇತ್ರದಲ್ಲಿ 2,463 ಪುರುಷ ಮತದಾರರು ಹಾಗೂ 2,372 ಮಹಿಳಾ ಮತದಾರರು ಸೇರಿ ಒಟ್ಟಾರೆ 4,835 ಜನ ಯುವ ಮತದಾರರಿದ್ದಾರೆ. ಒಟ್ಟಾರೆಯಾಗಿ ಜಿಲ್ಲೆಯಲ್ಲಿ 14,581 ಜನ ಯುವ ಮತದಾರರಿದ್ದಾರೆ ಎಂದು ಜಿಲ್ಲಾಧಿಕಾರಿ ಯಶವಂತ್ ವಿ. ಗುರುಕರ್ ಅವರು ತಿಳಿಸಿದ್ದಾರೆ.